Жұмыс табу оңайырақ болады: Enbek.kz цифрлық жұмыспен қамту қызметін іске қосты

Enbek.kz порталында жұмыс іздеушілерге жұмысты жылдам табуға және қажетті қолдау алуға көмектесетін цифрлық жұмыспен қамту қызметі іске қосылды.

Жаңа сервис пайдаланушылардың дағдылары, білімі, жұмыс тәжірибесі және мансаптық қалауына сәйкес бос жұмыс орындарын іріктейді. Сонымен қатар, сұхбатқа дайындалуға көмектесіп, тиісті ұсынымдар береді.

Қазіргі уақытта цифрлық жұмыспен қамту қызметі Павлодар облысында жұмыс істейді. Жақын уақытта сервис Маңғыстау облысында да қолжетімді болады, кейіннен Қазақстанның барлық өңірінде кезең-кезеңімен іске қосылады.