Өтініш беруші жұмыс берушіге түйіндемесін жіберіп қана қоймай, онлайн чат арқылы HR мамандарымен мәселелерді талқылай алады.
Tanda.enbek.kz порталы өңірлік мансап орталықтары тұрақты өткізетін бос жұмыс орындарының онлайн жәрмеңкелерін өткізу мүмкіндігін жүзеге асырды, деп хабарлайды ҚР Еңбек және халықты әлеуметтік қорғау министрлігі.
Онлайн жәрмеңкелер барысында жұмыс берушілерге қызығушылық танытқан жұмыс іздеушілер арасында онлайн тәртіпте бос жұмыс орнына лайықты үміткерді табу мүмкіндігі беріледі. Өз кезегінде жұмыс іздеп жүрген адам жұмыс берушіге түйіндемесін жіберіп қана қоймай, онлайн чат арқылы HR мамандарымен сұрақтарын талқылап, бейне сұхбат арқылы сөйлесе алады.
Қатысу үшін жұмыс берушілер де, жұмыс іздеушілер де Tanda.enbek.kz порталында тіркелуі қажет.
Қазақстанның барлық аймақтарында онлайн жәрмеңкелер өтеді. Толық ақпаратты және оларды өткізу кестесін көрсетілген порталдан табуға болады. Еңбек министрлігінің қызметкерлері қазірдің өзінде қызметтің әртүрлі бағыттары бойынша да, жекелеген өңірлер үшін де бірқатар онлайн жәрмеңкелер өткізді, оған барлығы 110 жұмыс беруші мен 3000-нан астам жұмыс іздеуші қатысты.
