Ақтөбе қаласының әкімі Асхат Шахаров Жаңаөзен тұрғындарын қолдау мақсатында облыс әкімдігінің алаңына шыққан ақтөбеліктермен кездесті.
Қала әкімінің баспасөз қызметі бейбіт митингке шыққан тұрғындардың талаптары орындалғанын хабарлады. Атап айтқанда, ақтөбеліктер сұйылтылған газ бағасын 50 теңгеге дейін төмендетуді және митинг барысында ұсталғандарды босатуды талап етті.
«Бейбіт митингке қатысушылар жергілікті атқарушы органнан екі мәселені шешуді талап етті. Біріншісі-митинг барысында ұсталғандарды босату. Бұл талап орындалды — ұсталғандар босатылды. Екінші талап — сұйытылған газ бағасын төмендету. Бұл талап орындалды — сұйытылған газдың бағасы 50 теңгеге дейін төмендеді. Осылайша, митинг кезінде ақтөбеліктер қойған екі талап та орындалды»,-деп хабарлады Ақтөбе қаласы әкімінің баспасөз қызметі.
