ҚР Цифрлық даму, инновациялар және аэроғарыш өнеркәсібі министрлігінің Ақпараттық қауіпсіздік комитетінің төрағасы Руслан Абдикаликов ЭСҚ мен өз қолымен қол қоюдың балама маңыздылығын атап өткен болатын.
«Сонымен қатар комитет тарапынан электронды құжат пен электронды сандық қол қою саласына мемлекеттік бақылау жүргізіледі. ЭСҚ құжатқа қол қоюшы тұлғаның өз қолымен қоюмен тең болып табылады және бірдей заңдық салдарлар туындатады. Жеке және заңды тұлғалардың өздеріне тиесілі ЭСҚ үшінші тұлғаларға заңсыз беру деректері бойынша көптеген материалдар мен шағымдар келіп түседі», — деп хабарлады Р.Абдикаликов сейсенбі күні өткен брифинг барысында.
Р.Абдикаликов айтуынша ұйым жетекшілері, сонымен қатар мемлекеттік органдар жетекшілері өз ЭСҚ қараусыз қалдыру, жұмыстан шығарылған жұмыскерлер ЭСҚ қайтарып алмау, өз ЭСҚ қызметкерлеріне беру жайттары аса көп кездеседі.
Комитет басшысы осындай әрекеттер салдары әдетте ЭСҚ-ны заңсыз пайдалануға алып келетінін атап өтті. Заңсыз берілген ЭСҚ көмегімен сенімхаттар рәсімделіп, қаржылық құжаттарға қол қойылған жағдайлар орын алған.
Источник: KazTAG
