Елордада І топ мүгелектері мен шипажай-курорттық емдеу алатын мүгедек-балаларды қамтамасыз ету шығындарын өтеудің шекті сомасы 35 айлық есептік көрсеткіш көлемінде тағайындалды. Бұл туралы Нұр-Сұлтан қоғамдық кеңесінің отырысында Жұмыспен қамту және әлеуметтік қорғау басқармасының өкілі Әйгерім Құдайбергенова хабарлады.
«Қозғалуы қиын І топ мүгедектері және шипажай-курорттық емдеу алатын мүгедек-балалармен еріп барушы тұлғаларға әлеуметтік қолдау шараларын арттыру мақсатында өтінім берушінің іс жүзіндегі шығындары көлемінде, бірақ 35 АЕК (102 095 теңге) артық емес көлемдегі шығындарын өтеуді ұсынамыз. 3113 адамға қосымша қажетті сома 317,8 млн теңгені құрады. Осылайша ағымдағы жылы жергілікті бюджеттің болжанып отырған шығындары 445,3 млн теңгені құрайды. Аталмыш жоба ҚР қолданыстағы заңнамасына қайшы келмейді және құқықтық актілерде бекітілген талаптарға сәйкес келеді», — дейді Әйгерім Құдайбергенова. Осыған дейін елорда ардагерлеріне бір реттік көмек көрсету үшін 127,5 млн теңге бөлінгені хабарланған болатын.
Источник: Казинформ
