Ақын, өлкетанушы, Шығыс Қазақстан облысы Қазақстан халқы Ассамблеясы қоғамдық келісім кеңесі төрағасының орынбасары Алдияр Әубәкіровтің жеке коллекциясынан алынған Тәуелсіздіктің 30 жылдығына арналған суреттер көрмесі ел тарихындағы маңызды кезеңдерді баяндайды.
Шығыс Қазақстан облыстық зағиптар мен нашар көретін жандарға арналған арнайы кітапханасында оқырмандарды аймақ суретшілерінің шығармашылығымен таныстыру, табиғаттың тарихы мен әсемдігін аша түсу мақсатында «Музалар сөйлейді» сурет галереясының ашылуы өтті.
Көрмеге Алдияр Әубәкіровтің бірегей жеке коллекциясынан туындылар қойылды. Суретші шеберлердің жұмысы туралы жеке өз пікірін білдірді.
«Біздің жерлестеріміз Н.Аштема, Г.Макаров, Қ.Қадырбеков, Б.Исин және басқалар әр түрлі техникада орындаған керемет жұмыстарына құрметпен қараймын», — дейді коллекционер.
«Әр туынды туған жер туралы жылы және әсерлі естеліктер қалдырады. Патриот болу дегеніміз — Отанмен бірге болу!»
Алдияр Әубәкіров әр сурет туралы аймақ пен елдің өміріндегі бүкіл дәуір сипаты түрінде баяндап берді.
«Қазақстан Республикасы Тәуелсіздігінің 30 жылдығы аясында біз «Музалар сөйлейді» атты сурет көрмесін аштық. Бұл біздің кітапхана оқырмандары үшін айтулы оқиға, — деді кітапхана директоры Гүлнара Қадырова. «Енді оқырмандардың оқудан басқа қылқалам шеберлерінің өнерімен танысуға ерекше мүмкіндігі болады».
Сурет көрмесі мамырдың соңына дейін жұмыс істейді.
