Жаңа мүмкіндіктің арқасында WhatsApp-ты бес құрылғыда бір уақытта қолдана аласыз, ал телефон заряды таусылған немесе Интернетке қосылмаған болуы мүмкін.
WhatsApp қосымшаның бірнеше құрылғылар бір есептік жазбамен жұмыс істей алатын бета-нұсқасын іске қосты. Бұл туралы мессенджердің блогында хабарланды.
«Бірнеше жылдар бойы пайдаланушылар WhatsApp-ты смартфон байланысын қажет етпестен басқа құрылғыларда қолдануға мүмкіндік беретін мультиқұрылғы жасауды өтінген. Бүгін біз WhatsApp-тың жаңартылған мүмкіндіктерінің бета-нұсқасын жариялаймыз», — делінген хабарламада.
Жаңа мүмкіндіктің арқасында қолданушы WhatsApp-ты өз телефонында және тағы төрт құрылғыда бір уақытта қолдана алады. Функция телефон батареясы таусылған немесе Интернетке қосылмаған болса да жұмыс істейді.
Хабарламада: «Әрбір құрылғы сіздің WhatsApp желіңізге жеке қосылады, сонымен бірге құпиялылық пен қауіпсіздік бірдей деңгейге дейін шифрлау арқылы қамтамасыз етіледі» делінген хабарламада.
