Ақтөбеде Назарбаев Зияткерлік мектебінің оқушысы Аян Қайырбек зорлық-зомбылыққа тап болғандарға көмек көрсету үшін мобильді қосымша жасады.
Телефондағы батырманы басу арқылы төтенше жағдай туралы хабарлауға болады. Алдымен umaiasar қосымшасын жүктеп, жақын адамдардың телефон нөмірлерін көрсетіп, геолокацияға қол жеткізуге рұқсат беру керек. Көмек туралы сигналмен бірге туыстары орналасқан жері туралы мәліметтерді алады. Аян Қайырбек бұл идеяның карантин кезінде, отбасыларда тұрмыстық зорлық-зомбылық фактілері жиілеп кеткен кезде пайда болғанын айтты. Дегенмен, басқа төтенше жағдайларда SOS түймесін пайдалануға болады. Бағдарламаның өзінде дағдарыс орталықтары, заңнамалық-құқықтық база, алғашқы медициналық көмек көрсету тәсілдері және өзіне-өзі психологиялық көмек көрсету туралы ақпарат бар.
Айтпақшы, оқушы әзірленген қосымшаның авторлық құқығын алды.
Аян Қайырбек, Ақтөбе қаласының физика-математика бағытындағы Назарбаев Зияткерлік мектебінің оқушысы:
— Мен ІІМ мен ТЖМ-ге «102» және «112» нөмірлеріне хабарлама жіберудің техникалық мүмкіндігі жөнінде жүгіндім. Мен мұндай техникалық мүмкіндік әлі жоқ деген жауап алдым. Бірақ олар оны қосқаннан кейін мен қосымшаны жаңартып, хабарламаларды тікелей органдарға жіберуді жоспарлап отырмын.
