Қазіргі уақытта әлеуметтік нанның бағасы тұрақты және оны арттырудың алғышарттары жоқ. Бұл туралы ҚР Ауыл шаруашылығы министрлігі Егіншілік департаментінің директоры Азат Сұлтанов мәлімдеді.
«Реттелетін және бақыланатын әлеуметтік нан — бұл нанның бағасы аймақтарда тұрақты. Ол өзгермейді, алғышарттар жоқ»,-деді А.Сұлтанов ОКҚ-да өткен баспасөз мәслихатында.
Оның айтуынша, жекелеген өңірлердегі кәсіпорындарда шикізат тапшылығы туындаған жағдайда немесе астық бағасының күрт өсуі орын алса, онда астық құнын субсидиялау бағдарламасы қосылады. Астық «Азық-түлік корпорациясы» ресурстарынан жіберілетін болады. Баға өңірлер үшін нанды ағымдағы бағалар бойынша өндіруге мүмкіндік беретіндей етіп айқындалатын болады. Айырмашылық мемлекет тарапынан субсидияланатын болады. Яғни, қазіргі уақытта әлеуметтік нан құнын арттыру бойынша алғышарттар жоқ», — деп толықтырды А.Сұлтанов. Басқа өнімдерге, түрлі премиум нандарға келетін болсақ, олардың бағасы, департамент директоры атап өткендей, шикізат құнына байланысты өзгереді.
