Қазақстандық экономист Андрей Чеботаревтің пікірінше, геосаяси жағдайға байланысты тұрақсыз логистика сақталуда және ол азық-түлік бағасына тағы да соққы беруі мүмкін. Дегенмен сарапшы бұған қарамастан аштық Қазақстан халқына қауіп төндірмейтініне сенімді.
«Қазіргі көрсеткіштің 40-50% және одан да көп. Бізде жағдай жаман емес. Біз өзімізді негізгі тауарлармен қамтамасыз етеміз, яғни бидай, астық, нан болады. Біз Таяу Шығыстағыдай зардап шекпейміз. Олар шынымен аштыққа тап болады. Біз аз тамақ тұтынатын боламыз, үйренгеніміздей емес, бірақ бізді аштық күтіп тұрған жоқ », — деді Чеботарев.
Атап өтілгендей, күні кеше Дүниежүзілік сауда ұйымының бас директоры Нгози Оконджо-Ивеала әлемдік азық-түлік бағасының өсуіне экспорттық шектеулер себеп болғанын айтқан. Оның айтуынша, елдер экспорт шарттарын қайта қарауы тиіс.
Сондай-ақ ол Украинадан астық экспорттау мәселесі шешілетініне сенім білдірді. Бұған дейін Батыс елдері Ресейді Украинаның ауылшаруашылық өнімдерін жеткізуге тосқауыл қойып отыр деп айыптап, бұл әлемде ашаршылыққа әкелуі мүмкін екенін айтқан болатын. Ресей билігі бұл айыптауларды жоққа шығарады.
