14 шілдеде елорданың Мәмбетов көшесінің бойындағы Арбатта жұмыс іздеп жүрген азаматтарға, Астанадағы жоғары оқу орындарының түлектеріне және жергілікті жастарға арналған бос жұмыс орындары жәрмеңкесі өтеді.
Бос жұмыс орындары жәрмеңкесі 14 шілде күні сағат 16:00-ден 20:00-ге дейін өтеді. Шараны Астана қаласының Жастар саясаты мәселелері басқармасы AMANAT партиясымен бірлесіп ұйымдастырды.
Бос жұмыс орындары жәрмеңкесінің мақсаты – жұмыс беруші мен өтініш берушінің тікелей байланысы арқылы жұмыссыз азаматтарды, білім беру ұйымдарының түлектерін және жастарды жұмысқа орналастыруға жәрдемдесу.
Оған елорданың 40 жетекші кәсіпорны мен ұйымы қатысады.