ҚР Парламенті Сенатының депутаты Андрей Лукин Нұр-Сұлтан қаласы әкімдігі мекемелерінің, атап айтқанда «Шарапат» және «Жансая» әлеуметтік қызмет көрсету орталықтарының, қарттарға, мүгедектігі бар адамдарға және мүмкіндігі шектеулі балаларға арналған оңалту орталығының, «Жанұя» отбасы институтын қолдау орталығының және т.б. ұжымдарымен кездесті.
Орталықтардың мақсаты – қиын өмірлік жағдайға тап болған әрбір азаматқа, отбасына психологиялық, әлеуметтік және құқықтық көмек көрсету, сонымен қатар жан-жақты қолдау көрсету.
Сонымен қатар, ұйымдар көп балалы, толық емес және аз қамтылған отбасыларға, мүгедектігі бар балаларды тәрбиелеп отырған ата-аналарға, қарт адамдарға, тұрақты тұрғылықты жері жоқ адамдарға қолдау көрсетеді.
– Мемлекеттің әлеуметтік саясатының негізгі бағыттарының бірі – қоғамның әлеуметтік жағдайларын реттеу. Сондықтан әлеуметтік топтар арасындағы қарым-қатынасты қолдау және тұтастай алғанда қоғамның әл-ауқаты мен өмір сүру деңгейін жақсарту мақсатында елордада көмекке мұқтаж адамдарға әлеуметтік қызмет көрсету орталықтары ашылды, деп атап өтті Андрей Лукин.
Сенатор өткізілген шараларға алғыс айтып, жемісті жұмыс тіледі.
