Мәжіліс депутаттары медициналық оқиға салдарынан зардап шеккен Қазақстан азаматтарына өтемақы төленетін заң жобасын бірінші оқылымда мақұлдады.
Денсаулық сақтау министрі Ажар Ғиният 2018-2020 жылдары жеке және заңды тұлғалардан 14 123 өтініш келіп түскенін, оның ішінде жыл сайын Қылмыстық кодекстің 317-бабы бойынша медицина қызметкерлеріне қатысты кәсіби міндеттерін тиісінше орындамағаны үшін 300-ге жуық іс, көбінесе өліммен аяқталу қаупі бар хирургиялық бейіндегі мамандарға: акушер-гинекологтарға-14 адам, хирургтар- 14, травматологтар-8, анестезиологтар-6.
«Заң жобасында денсаулыққа қасақана орташа және ауыр зиян келтіргені үшін айыппұл сомасы мен қамауға алу мерзімін қысқарту ұсынылады. Науқастың денсаулығына ауыр зиян келтiрiлген немесе қайтыс болған жағдайда, бас бостандығынан айыру жазалау мерзiмдерiн қайта қараумен бас бостандығын шектеумен ауыстырылсын», — деп атап өтті Ажар Ғиният.
Сондай-ақ заң жобасы медицина қызметкерлерінің мәртебесі мен әлеуметтік қолдауын арттыруға, оларға құрметті атақтар беруге және 2023 жылы медицина қызметкерлерінің жалақысын арттыруды жалғастыруға бағытталған.
«Заң жобасы аясында жыл сайын 1000 айлық есептік көрсеткіш мөлшерінде біржолғы төлеммен «Мамандық бойынша үздік» республикалық байқауының 17 жеңімпазы мемлекеттік және ведомстволық марапатпен, үш «Қазақстан Республикасының еңбек сіңірген дәрігері» атағымен марапатталатын болады. 500 айлық есептік көрсеткіш мөлшерінде төленеді», — деді Денсаулық сақтау министрлігінің басшысы.
Ажар Ғиният науқастың таңдауы болатынын түсіндірді. Медициналық ұйымның шешімімен және төлем мөлшерімен келіспесе, ол сотқа жүгіне алады.
Еске салайық, министрліктің жоспарына сәйкес, медициналық ұйымдар 2023 жылдан бастап жеке сақтандыру компанияларымен өздері келісімшарт жасасады. 2025 жылдан бастап ынтымақтастық негізінде сақтандыруды медициналық ұйымдар мен медицина қызметкерлері бөліседі. Сақтандыру шарты бір жылға жасалады, оның ішінде сақтандыру компаниясы медициналық оқиғалар бойынша барлық төлемдерді өтейді.
Бұған дейін Денсаулық сақтау министрі Ажар Ғиният медициналық оқиға салдарынан зардап шеккен қазақстандықтарға жоспарланған өтемақы көлемін мәлімдеген болатын.
