Қазақстандық Руфат Хабибуллин найза лақтырудан F-64 класында 41,83 м нәтиже көрсетіп, алтын жеңіп алды.
Мүгедектігі бар жандарға арналған спорттық дайындық орталығының мәліметі бойынша, екінші орынды 40,93 м көрсеткішпен Камерундық спортшы иеленсе, Маврикий спортшысы 32,71 м көрсеткішпен үшінші орынды иеленді.
Бұған дейін Қазақстан спортшысы Дастан Мұқашбеков ядро лақтыру жарысының күміс жүлдегері атанған болатын.
Айта кетейік, Дүниежүзілік пара жеңіл атлетикадан Гран-при сериясы Дубайда 26 ақпан мен 1 наурыз аралығында өтеді. Жарысқа әлемнің 61 елінен 545 спортшы қатысуда.
0
