Мүгедектігі бар жандар үнемі қаржылық кемсітушілікке ұшырайды және қаржы институттарының қызметтерін бірдей пайдалана алмайды. Бұл туралы палатаның жалпы отырысында депутат Кенжеғұл Сейітжан айтты.
Кенжегүл Сейітжан ел премьер-министрі Әлихан Смайыловқа жолдаған сауалында Қазақстанда 700 мыңнан астам мүмкіндігі шектеулі жан өмір сүретінін, оның 400 мыңнан астамы еңбекке жарамды жаста екенін айтты.
Қайрат Иманалиев атындағы мүгедектігі юар жандардың құқықтарын қорғау жөніндегі комиссия жүргізген зерттеу деректеріне сілтеме жасай отырып, ол мүгедектігі бар жандардың үнемі қаржылық кемсітушілікке ұшырайтынын және қаржы ұйымдарының қызметтерін барлығымен бірдей пайдалана алмайтынын атап өтті.
Оның айтуынша, көптеген кедергілер бар, соның ішінде:
• пандустардың, тактильді бағыттағыштардың, лифттердің болмауы, бұл мүгедектігі бар жандардың инфрақұрылымға қол жеткізуін қиындатады және мүмкін емес етеді.
Сонымен қатар, депутат кассалардың терезелері мен банкомат пернетақталарының биіктікте орналасқаны соншалық, мүгедектігі бар жандар арбасына таңылғандар немесе шағын бойлы адамдардың қызметтерді өз бетінше пайдалануына мүмкіндік бермейтінін айтты.
• терминалдар мен банкоматтар зағип және нашар көретін адамдардың өз бетінше пайдалануына арналған технологиялармен жабдықталмаған;
• банк карталарына Брайль шрифтімен жасалған сәйкестендіру белгілері немесе зағип және нашар көретін адамдардың пайдалануына арналған басқа тактильді белгілер берілмейді;
• көптеген банктердің мобильді қосымшалары, сондай-ақ веб-сайттар зағип және нашар көретін клиенттердің пайдалануына бейімделмеген, бұл мүгедектігі бар жандардың ақпаратқа қол жеткізуіне кедергі келтіреді;
• банк қызметкерлерінің мүгедектігі бар клиенттермен тиімді өзара әрекеттесу және оларға қызмет көрсету дағдылары жоқ, банктерде сурдоаудармамен айналысатын ымдау тілін білетін қызметкерлер немесе мамандар жоқ.
«Қаржылық қызмет көрсету саласында ерекше қажеттіліктері бар адамдардың құқығы үнемі бұзылып келеді», — дейді Кенжеғұл Сейітжан.
Осыған байланысты ол мүгедектігі бар жандарға қаржылық қызмет көрсетудің арнайы Стандарттарын заңнамалық деңгейде енгізуді және бекітуді, сондай-ақ мүгедектігі бар жандарға арналған арнайы қаржылық өнімдерді және қолжетімді ипотекалық несиелеудің арнайы бағдарламаларын әзірлеуді және енгізуді ұсынады.
Бұған дейін Мәжіліс депутаты Махаррам Махаррамов мүгедектігі бар балалар кәмелетке толған соң олардың күтіміне байланысты жәрдемақы төлеуді сұраған болатын.
