Қостанай полициясында ерекше күтімді қажет ететін балаларға арналған орталықтың тәрбиеленушісіне қатысты тәрбиешінің дөрекі қарым-қатынасы фактісі бойынша іс қозғамаған, ал баланың ата-анасы тәрбиешіге және Орталық басшылығына қатысты талаптардан мүлдем бас тартты.
Басқармада Қостанайдағы ерекше қажеттіліктері бар балаларға арналған орталық тәрбиеленушілерінің бірімен тәрбиешінің дөрекі қарым-қатынас фактісі бойынша мұқият тексеріс жүргізілгенін атап өтті.
«Балаға ерекше азап келтірілмегенін, қуғын-сүргін, қозғалу бостандығынан айыру қаупі болмағанын ескерсек, қатыгездік көрсету фактісі анықталған жоқ. Тәрбиешінің әрекетінде құқық бұзушылық белгілері байқалмайды. Сонымен қатар, баланың заңды өкілдері орталық қызметкерлеріне талап қоюдан және одан әрі іс жүргізуден үзілді-кесілді бас тартты», — деп түсіндірді полиция.
Осыған дейін әлеуметтік желіде Қостанайдағы «Amanat&K» түзету орталығының тәрбиешісі жорғалап кеткісі келген сәбиді дөрекі түрде тартып, сүйреп жатқан видео тараған болатын.
Бұдан кейін облыстық білім басқармасы мен орталық өкілдерінің түсініктемесі айтылды. Тәрбиеші жұмыстан босатылып, тәрбиеленушілердің ата-аналарына жағдай түсіндірілді.
