Биыл елордада 185 мың оқушы жазғы демалыстың барлық түрімен қамтылған, бұл 1-10 сынып оқушыларының жалпы санының 98 пайызын құрайды. Астана қаласы Білім басқармасы басшысының орынбасары Нариман Еламанов онлайн брифингте балалар лагерлерінің жұмысын ұйымдастыру туралы айтты.
Қаланың 85 мектебінде бастауыш сынып оқушыларына арналған 155 мектеп жанындағы лагерь жұмыс істейді. Олар 134 494 мектеп оқушысын қамтыды.
Оқушылар сарайындағы екі лагерьде 462 бала демалды, оның ішінде 120 бала «Ақниет» қоғамдық қоры есебінен тегін демалды.
«Арман» және «Боровичок» саяжай лагерлерінде үш маусым бойы 1135 бала демалып, оның 500-і жалпы білім беру қоры есебінен тегін демалды.
«Жыл сайын ҚР Оқу-ағарту министрлігінің берілген квоталарына сәйкес «Балдәурен-Щучинск», «Балдәурен-Қапшағай», «Балдәурен-Балқаш» (5-9 сыныптар), Бөбек (1-4 сыныптар) республикалық сауықтыру лагерлерінде балалар денсаулығын нығайтады», — деді спикер.
Сондай ақ жазғы демалыс кезінде елордада 4 бағыт бойынша 175 200 оқушы жұмыспен қамтылды:
— еңбек: «Жасыл ел» көгалдандыру жасағы (4 200), экологиялық лагерьлер, абаттандыру және көгалдандыру жасақтары (3900 баланы қамту);
— шығармашылық: әртүрлі мекемелерде 8 үйірме және 208 хобби үйірмесі, 45 аула клубы (130 908 баланы қамту);
— спорт және туризм: саяхаттарға, экскурсияларға, туристік оқу сапарларына, экспедицияларға (археологиялық, экологиялық, өлкетану), «Дидарлы Жаз», «Айбынды Маусым» лагерінің жалпы білім беретін мектептерінің спорт алаңдары мен залдарында (1389 бала қамтылған) тегін қатысу. .
— зияткерлік: «Жас ұлан», «Жас қыран» мүшелері жетекшілерінің жазғы мектептері, жазғы тіл мектептері, пікірсайыс лагерлері (39 479 баланы қамту) тегін.
