Жастарға жеңілдетілген шағын несие беру тетігі аясында 5,3 мың өтініш түсті, деп хабарлайды ҚР Үкіметінің баспасөз қызметі.
Үкіметтің мәліметінше, ағымдағы жылдың 10 тамызындағы жағдай бойынша 5,3 мыңнан астам өтініш түсіп, 3 344 жоба мақұлданған.
2577 жобаны жүзеге асыруға 11,4 млрд теңгеге жеңілдетілген несие берілді. Қалғандары қаржыландыру сатысында.
Жеңілдетілген несие алушылардың ішінде мал шаруашылығы, қызмет көрсету, сауда, өсімдік шаруашылығы және жеңіл өнеркәсіп салаларының кәсіпкерлері басым.
Несие 21 бен 35 жас аралығындағы азаматтарға өз ісін ашу немесе бизнесін ұлғайту үшін беріледі.
Жалпы 2023 жылы 29 млрд теңгеге 5 796 шағын несие беру жоспарлануда.
0
