Алғашқы болып Түркістан облысының диқандары өз өнімдерін ұсынбақ.
2 қыркүйекте Астанада еліміздің өзге өңірлерінен ауыл шаруашылығы өнімдерінің жәрмеңкелері басталады, деп хабарлады елорда әкімдігі.
Олар әр демалыс сайын 29 қазанға дейін жұмыс істейді.
Астанада бірінші болып Түркістан облысының диқандары өз өнімдерін ұсынбақ. Облыстың 70-тен астам ауыл шаруашылығы тауарын өндірушілері 556 тонна өнім әкелмек:
ет (жылқы еті, қой еті, сиыр еті, құс еті);
ет өнімдері;
көкөністер;
жемістер;
сүт өнімдері (соның ішінде қымыз және шұбат);
бақша дақылдары;
бал;
жеміс шырындары;
консервіленген тағамдар;
балық;
жұмыртқа;
нан өнімдері.
Барлық өнімдердің бағасы нарық бағасынан 15-20 пайызға төмен болады.
Биыл жәрмеңке Тәуелсіздік даңғылы, 50 (ҚазҰӨУ алдындағы алаң) мекенжайында өтеді.
«Елордада демалыс күндері де жәрмеңкелер өткізіледі. Олар сенбі-жексенбі күндері өтеді. Жәрмеңкеге жақын маңдағы аудандардан азық – түлік тауарларын көтерме жеткізушілер мен шаруа қожалықтары қатысады», — делінген әкімдік хабарламасында.
