Елордада XI Азаматтық форум аясында өткен «Жергілікті бастамалар» әлеуметтік жобаларының грант иегерлері мен видеобайқауының жеңімпаздары анықталды, деп хабарлайды Астана әкімдігінің ресми сайты.
Марапаттау рәсімі елорда мен облыстардың үкіметтік емес ұйымдары, қоғам қайраткерлері, волонтерлік қоғамдастық мүшелері мен қала әкімдігінің өкілдері қатысқан ХІ Азаматтық форум алаңында өтті.
Байқауға қатысқан бейнероликтер мазмұнды және халықтың әртүрлі топтарының әлеуметтік мәселелерін шешуге бағытталған болуы керек.
Жеңімпаздар:
«Семей ЯП» ҚҚ; «Нұр әлем Қазақстан» ҚҚ; «Оңалту технологиялары мен тұжырымдамаларының Қоғамдық Қоры»; «Best For Kids» ҚҚ; «Мама про» ҚҚ; «Тең мүмкіндіктер әлемі» ҚҚ; «Қазақстан корейлерінің жастар қозғалысы» ҚБ; «Қара Шаңырақ» ҚБ; «Strong mother NS» ҚҚ; Ұмытшақтығы бар мүгедектігі бар науқастардың қоғамдық бірлестігі.
Іріктелген 20 жұмыстың 10-ы 500 мың теңгенің сертификаттарына ие болды, қалған жұмыстардың авторларына естелік сыйлықтар табысталды.
