Алматыдағы № 7 қалалық клиникалық аурухананың дәрігерлері күрделі диагнозы бар науқасқа жасанды жамбас орнатты.
Осыдан 10 жылдай бұрын ол қалалық емханалардың бірінде цементсіз жамбас алмастыру отасынан өткен. Бірақ жарақат салдарынан протез жамбас сүйегіне «ұрынды», деп хабарлады аурухананың баспасөз қызметі.
№7 қалалық клиникалық аурухананың политравматологиялық бөлімшесінің меңгерушісі Рамазан Әскеровтың айтуынша, жарақаттың салдарынан протез жамбас сүйегінің түбін «шығарып», жамбас сүйектерін айтарлықтай зақымдаған.
Науқас шұғыл түрде реанимацияға жатқызылды, жағдайы ауыр. Жағдайы тұрақтанғаннан кейін бөлімшеге ауыстырылып, емхана басшылығының қатысуымен кеңес өткізілді.
«Бұл өте сирек кездеседі. Екі кезеңді хирургиялық араласуды жасау туралы шешім қабылданды. Бірінші кезеңде протездік компонент жамбас қуысынан экстраперитональды кіру арқылы (іш қуысы арқылы), содан кейін жағдай жақсарған сайын екінші кезеңде ревизиялық эндопротездеу орнатылды. Бұл хирургиялық ортопедияның күрделі салаларының бірі, бұрын ота жасалған аймақта қайта араласу жасау. Екі кезеңнен тұратын күрделі ота травматолог-ортопедтер мен анестезиолог-реаниматологтардың бірлескен жұмысының арқасында жақсы өтті», – дейді Рамазан Әскеров.
Үш күн ішінде науқас тірек көмегімен дәліздерде қозғала бастады.
«Бұл жоғары технологиялық оталар: біз буынды толығымен жасандыға ауыстырамыз, ол ұзақ жылдар бойы жұмыс істейді және ауруға дейін болған буынның толық аналогы болып табылады. Мұндай оталар барлық емханаларда жасалмайды. Олар арнайы аурухана жабдықтарын және мамандарды оқытуды қажет етеді. Бұл оталар қазақстандықтар үшін міндетті әлеуметтік медициналық сақтандыру пакеті аясында қолжетімді», — деп қорытындылады дәрігер Әскеров.
