Мемлекеттік қолдау: су тасқынынан зардап шеккендерге мүгедектік мерзімі автоматты түрде ұзартылады
Ағымдағы жылдың II тоқсанында ТЖ режимі жарияланған аудандар мен қалалардан қайта куәландыру мерзімі бар мүгедектігі бар қазақстандықтарға мүгедектік мерзімі, жалпы еңбекке қабілеттілігінен айырылу дәрежесі, кәсіптік еңбекке қабілеттілігінен айырылу дәрежесі және оңалтудың жеке бағдарламалары автоматты түрде ұзартылатын болады. Бұл ретте мемлекеттік жәрдемақыларды төлеу бұрын белгіленген мүгедектік тобы бойынша жүзеге асырылатын болады.
Қазіргі уақытта Қазақстан Республикасы Еңбек және халықты әлеуметтік қорғау министрлігі нормативтік құқықтық актілерге қажетті өзгерістер енгізуде.
Автоматты түрде ұзарту су тасқынынан зардап шеккен аймақтардағы мүгедектігі бар адамдарға мемлекеттік қолдауды уақытылы көрсетуге мүмкіндік береді.
