Астанада 8 наурызға көпбалалы отбасыларға әлеуметтік көмек төленеді. Алматыда төлемдер қарастырылмаған
Қарағанды облысындағы халықтың әлеуметтік осал топтарындағы әйелдер де 8 наурызға дейін біржолғы төлем алады.
Астанада 8 наурыз Халықаралық әйелдер күні мерекесінде 34 мыңға жуық көпбалалы ана біржолғы әлеуметтік төлем алады.
8 наурызға дейін жергілікті бюджеттен төлем жасау туралы шешімді елорда мәслихаты бекітті.
«Астана қаласындағы көпбалалы отбасыларға, көпбалалы аналарға, соның ішінде аз қамтылған 34 мыңға жуық ана атанған азаматтарға 2,5 АЕК (9230 теңге) көлемінде біржолғы әлеуметтік көмек төленеді. Төлем Астана қаласында тіркелген және тұрақты тұратындарға «Азаматтарға арналған үкімет» мемлекеттік корпорациясы» коммерциялық емес акционерлік қоғамының Әлеуметтік төлемдер орталығының тізімдері негізінде жүзеге асырылады», — делінген хабарламада.
Алматыда мұндай төлемдер қарастырылмаған.
Ал Қарағанды облысында 8 наурызға дейін халықтың әлеуметтік осал топтарындағы 21 861 әйел біржолғы жәрдемақы алатын болады.
Облыстың қалалары мен аудандарында төлем мөлшері әртүрлі болады, ол бюджеттің мүмкіндіктеріне байланысты.
Қарағанды, Теміртау, Приозерск, Осакаров және Шет аудандарында мерекеге орай төрт және одан да көпбалалы аналар мен «Алтын алқа» және «Күміс алқа» алқаларымен марапатталған көп балалы аналардың есепшотына ақша аударылады.
Балқаш қаласында – көпбалалы аналар, құрметті азаматтар, тыл еңбеккерлері, ҰОС қатысушыларына теңестірілгендер, еңбек ардагерлері, белсенді емес тыл еңбеккерлері, мүгедектігі бар балалар, белсенді емес жалғыз тұратын әйелдер, қайтыс болған ҰОС ардагерлерінің әйелдері.
Саранда төрт және одан да көпбалалы аналарға, «Алтын алқа» және «Күміс алқа» алқасымен марапатталған көпбалалы аналарға, мүгедектігі бар балалар мен аз қамтылған отбасыларға төлем төленеді.
Абай ауданында – халықтың әлеуметтік осал топтарынан шыққан әйелдер, аз қамтылған отбасылар, көпбалалы отбасылар, мүгедектігі бар жандар, зейнеткерлер, түрлі сала қызметкерлері.
Ақтоғай ауданында – төрт және одан да көп баласы бар көпбалалы аналар, «Алтын алқа» және «Күміс алқа» алқаларымен марапатталған көпбалалы аналар, аз қамтылғандар, мүгедектігі бар жандар, зейнеткерлер (әйелдер).
Бұқар жырау өңірінде – аз қамтылған, көпбалалы отбасылардан шыққан әйелдер, мүгедектігі бар жандар, зейнеткерлер және халықтың әлеуметтік осал топтарынан шыққан әйелдер.
Қарқаралы ауданында – 18 жасқа дейінгі төрт және одан да көп баласы бар көпбалалы аналар, «Алтын алқа», «Күміс алқа» алқаларымен марапатталған көпбалалы аналар, аз қамтылғандар, мүгедектігі бар жандар.
Нұра ауданында – аз қамтылғандар, көпбалалы аналар, жастар.
Қарағанды облысының кейбір қалалары мен аудандарында мерекелік дастархан жайып, азық-түлік жиынтықтарын тарату жоспарлануда.
