Жол жүру бөлігі бойынша жүруге тура келеді: Ақтау арбамен қозғалатын мүгедектігі бар адамдар үшін қолжетімсіз орта
Қалада мүгедектігі бар жандар мен арбалы аналардың жүріп-тұруына жағдай жасалмағанын қала тұрғындары мен арбаға таңылған мүгедектігі бар азаматтар әлеуметтік желіде айтып жүр.
Әлеуметтік желіде қала тұрғыны Ақтауда мүгедектігі бар адамдардың арбамен қалай жүруге мәжбүр екені туралы бейне жариялады.
Әйел қалада мүгедектігі бар жандар арбасымен немесе балалар арбасымен жүруге жағдай жасалмағанын айтты.
Кадрларда мүгедектігі бар ер адамның арба әрең өтетін тар тротуармен жүріп қалай қиналғанын көруге болады.
Жаяу жүргіншілер жолының жоқтығынан ол жол бойымен кері қайтуға мәжбүр. Бейнеде мүгедектігі бар азамат, Ақтауда бүгінгі таңда, өкінішке орай, мүмкіндігі шектеулі жандар үшін жағдай жоқ екенін атап өтті.
«Менің бір мүгедектігі бар досым төртінші қабатта тұрады. Үйіндегі лифт жұмыс істемейді, төрт айдан бері түсе алмай үйде қамалып отыр. Оның қолынан келетіні — пәтеріндегі терезенің жанында отыру. Ал адам қозғалуы тиіс, қозғалыс бұл өмір», — дейді ол
