Пойыз аптасына екі рет жұмыс істейді: жұма және жексенбі.
«Павлодар-Астана» электр пойызының бағыты Бурабайға аялдама арқылы Көкшетауға дейін ұзартылды, деп хабарлайды «Жолаушылар тасымалы» АҚ.
Өзгеріс 28 маусымнан бастап жаздың соңына дейін жалғасады. Павлодардан Астанаға пойыз 7509/7510 нөмірімен және одан әрі 6805/6806 нөмірімен шығады.
Электр пойызы Павлодардан сағат 10.57-де, Астанадан сағат 18.30-да шығады. Пойыз Бурабайға 21.20-да, Көкшетауға 22.31-де келеді. Кайту жолы Көкшетаудан 11.50-де, одан кейін Бурабайдан 12.55-те, Астанадан 16.45-те жөнелтіледі. Павлодарға сағат 23.31-де келеді.
Пойыз аптасына екі рет: жұма және жексенбі күндері жүреді. Павлодардан Бурабай станциясына дейін жол жүру құны:
бірінші класты вагондарда – 8012 теңге;
екінші класты вагондарда – 7480 теңге;
үшінші класты вагондарда – 6184 теңге.
