Қазақстан пара жеңіл атлетикадан Парижде өтетін Паралимпиада ойындарына қатысуға тағы 2 квота алды.
Жалпы, Халықаралық Паралимпиада комитеті Қазақстанның параспортшыларына халықаралық аренадағы табысты өнерлерін ескере отырып, осы ойындарға қатысуға үш квота бөлді.
Квоталардың бірі параатлетикадан әлем чемпионатының қола жүлдегері Дастан Мұқашбековке берілді. Оған қоса ұлттық құрамадағы бір әйел мен бір ер адамға квота берілді.
«Бұл квоталарға біздің спортшылардың қайсысы ие болатынын біздің жаттықтырушылар құрамы Спорттық дайындық орталығының қызметкерлерімен бірлесіп шешеді. Іріктеу кезінде спортшылардың әлемдік рейтингі, соңғы жетістіктері мен қазіргі спорттық формасы ескеріледі», — деді Мүмкіндігі шектеулі жандарға арналған спорттық оқыту орталығының командасының жетекшісі Мәулен Нәсіпқали.
Бүгінгі таңда Паралимпиада ойындарына Қазақстанның 8 спорт түрінен қатысуға 16 лицензиясы бар. Оның ішінде: пара пауэрлифтинг (1), пара жеңіл атлетика (3), пара жүзу (4), отырып ойнайтын волейбол (1), пара үстел теннисі (1), пара таэквондо (3), пара каноэ (2) және пара оқ ату ( 1).
2024 жылғы Паралимпиада ойындары 28 тамыз бен 8 қыркүйек аралығында Парижде өтеді, онда 23 спорт түрінен 549 медаль жиынтығы ойналады.
