Қазақстандық паратаэквондошы Милана Красавцева Парижде өтіп жатқан Паралимпиада ойындарының ширек финалына өтті.
Паралимпиада комитетінің мәліметінше, паратаэквондодан 52 келіге дейінгі салмақта (К44 класс) жеребе қорытындысы бойынша Милана Красавцева Доминикан Республикасынан келген Геральдо Диаспен іріктеу жекпе-жегінде кездесті.
Негізгі жекпе-жек 8:8 есебімен тең аяқталды. Қосымша раундта Милана 10:8 есебімен жеңіске жетіп, ширек финалға өтуді қамтамасыз етті.
Келесі кезеңде спортшымыз мексикалық Джессика Гарсиа Куиджаномен кездеседі.
Естеріңізге сала кетейік, 29 тамыз бен 8 қыркүйек аралығында Парижде Паралимпиада ойындары өтеді, оған 4400-ге жуық спортшы қатысады. Олардың ішінде Қазақстанның 44 өкілі бар.
0
