Емханалардағы Face-ID: денсаулық сақтау жүйесіндегі жаңа кезең
Doctor sitting at desk and writing a prescription for her patient
Мемлекет басшысы Қасым-Жомарт Тоқаев Қазақстан халқына Жолдауында денсаулық сақтау жүйесінің ашықтығы мен тиімділігін қамтамасыз етуді тапсырды.
Денсаулық сақтау министрі Ақмарал Әлназарова 24KZ телеарнасына берген сұхбатында денсаулық сақтау жүйесіндегі жалған жазбалардың (толықтырулардың) алдын алу бойынша жаңа шаралар туралы айтты.
Жалған тіркеумен күресудің негізгі құралы цифрлық технологиялар, оның ішінде пациенттердің медициналық қызметтерді алғанын растайтын Face-ID жүйесін енгізу болмақ.
Министрлік Астанадағы Республикалық алғашқы медициналық-санитарлық көмек көрсету клиникасы базасында пилоттық жобаны іске қосты. Жоба аясында пациенттер Face-ID және веб-камералардың көмегімен анықталады, бұл алынған қызметтер туралы деректерді бұрмалау мүмкіндігін жояды.
«Биылғы жылдың соңына дейін біз Астанада пилоттық жобаны жүргіземіз, ал 1 қаңтардан бастап оны бүкіл республикаға таратуды жоспарлап отырмыз. Бұл жалған тіркеулерді толығымен жоятын тиімді құралға айналады» — деді Ақмарал Әлназарова.
Биометриялық сәйкестендіру жүйесі көрсетілетін қызметтерді нақты есепке алуды қамтамасыз етеді, бұл пациенттердің баруы туралы жалған есеп беруді мүмкін емес етеді, сәйкесінше бюджет қаражатын да, сақтандырылған азаматтардың жарналарын да мақсатсыз пайдаланудың алдын алады.
