Мүгедектік және асыраушысынан айырылу бойынша жәрдемақы: қазақстандықтар қанша алады?
Қазақстандықтарға мүгедектік және асыраушысынан айырылу бойынша жәрдемақылар мен әлеуметтік төлемдер түрінде шамамен 461,5 млрд теңге төленді. Бұл туралы 2024 жылғы 18 қыркүйекте Қазақстан Республикасы Еңбек және халықты әлеуметтік қорғау министрлігі (ЕӘҚМ) хабарлады.
Ведомствода жыл басынан бері мүгедектігі бойынша және асыраушысынан айырылу жағдайы бойынша мемлекеттік әлеуметтік жәрдемақыларды (МӘК) төлеуге республикалық бюджеттен шамамен 408,1 млрд теңге бөлінгенін түсіндірді. Сондай-ақ, Мемлекеттік әлеуметтік сақтандыру қорынан (МӘСҚ) 53,4 млрд теңгеге жуық сомаға мүгедектік және асыраушысынан айырылу бойынша әлеуметтік төлемдер жүргізілді.
Еңбек министрлігінің мәліметі бойынша, биылғы жылы жалпы аурудан мүгедектікке арналған МӘК мөлшері:
• 1 топ – 95 496 теңге,
• 2-топ – 76 397 теңге,
• 3-топ – 52 089 теңге.
Ал 1 қыркүйектегі жағдай бойынша әлеуметтік төлемдердің орташа мөлшері:
• еңбекке қабілеттілігін жоғалтқаны үшін – 58 257 теңге,
• асыраушысынан айырылу бойынша – 61 939 теңге.
Ағымдағы жылдың 1 қыркүйегіндегі жағдай бойынша мүгедектік бойынша МӘК алушылар саны шамамен 541,2 мың адамды, ал асыраушысынан айырылу бойынша – 185,7 мыңға жуық адамды құрайды.
Мүгедектігі бойынша мемлекеттік әлеуметтік жәрдемақылардың мөлшері мүгедектіктің тобына және себебіне, сондай-ақ тиісті қаржы жылына арналған «Республикалық бюджет туралы» заңда белгіленген өмір сүру минимумына байланысты.
