WhatsApp мессенджеріне қатысты алаяқтық фактілері көбейгеннен кейін Астана полициясы азаматтарға кеңес берді.
Құқық қорғау органдары тұрғындарға WhatsApp мессенджеріне қатысты интернет-алаяқтықтың жаңа түрі туралы ескертті.
Астана полициясының мәліметінше, соңғы уақытта қаскүнемдердің WhatsApp мессенджерінде басқа адамдардың аккаунттарына заңсыз қол жеткізу фактілері көбейген. Жәбірленушілер атынан барлық контактілерге қарызға ақшаны беру туралы өтініш жіберіледі, ал қылмыскерлер үшінші тұлғалардың банк шоттарының деректемелерін көрсетеді.
Алаяқтар зиянды сілтемені пайдаланады: егер азаматтар оны басса, шабуылдаушылар олардың WhatsApp аккаунтына қол жеткізе алады.
Полиция тұрғындарды, әдетте, ұтыс ойыны, балаларға дауыс беру, кез келген тақырып бойынша сауалнама түрінде таралатын күмәнді сілтемелерді баспауға, сондай-ақ ешбір жағдайда жеке деректерін енгізбеуге шақырды.
«Егер сіз соған қарамастан күдікті сілтемені орындасаңыз, қолданбаның «Параметрлер» бөліміне өтіп, «Байланыстырылған құрылғылар» қойындысына өту арқылы сіздің желіңізге параллель қосылуды тексеруге болады, егер бұл қойындыда сізде жоқ белгісіз құрылғы көрсетілсе байланыстырылған болса, дереу «Есептік жазбаңызды қорғауды күшейту үшін екі сатылы растауды қосқан дұрыс», — деп кеңес берді полиция.
Егер сізге таныс азаматтан қарызға ақша сұраған хабарлама түссе, полицейлер оларға телефон соғып, ақшаның шынымен қажет екеніне көз жеткізуге кеңес береді.
