Now Reading
Дәретханадағы кезек, құлақтағы тарақандар: көпбалалы ана әкімдіктен алған баспанасын көрсетті
Inva.kz информационный портал социальных новостей Казахстана. Инва кз > Новости > Дәретханадағы кезек, құлақтағы тарақандар: көпбалалы ана әкімдіктен алған баспанасын көрсетті

Дәретханадағы кезек, құлақтағы тарақандар: көпбалалы ана әкімдіктен алған баспанасын көрсетті

Ақтөбеде кейбір көпбалалы аналар мен олардың балалары апатты жатақханада тұруға мәжбүр. Мұнда бір ғана дәретханаға кезек, легенде жуыну және балалар көршілер арасындағы жанжал басылмайтын тар дәлізде ойнайды. Қиын өмірлік жағдайға тап болғандар балалармен бірге қалыпты өмір сүруге жарамсыз жағдайда өмір сүруге тырысады.

Жөндеу көрмеген бөлмелер, сынған терезелер, ойық баспалдақтар мен суы жоқ ортақ санитарлық тораптар – мұның бәрі «уақытша баспана» деп аталады.

41 жастағы Гүлжан Сейдильдина – осы бес қабатты жатақханада тұрып жатқан аналардың бірі.

Алты баланың анасы әкімдіктен Гришин көшесіндегі осы жатақханадан бөлме алған.

Алайда баспаналы болған қуаныштың орнына – балалардың денсаулығы мен қауіпсіздігі үшін үнемі үрейде.

«Бөлмені жөндеусіз берді. Балаларға дәретханаға бару мүмкін емес. Жуынатын бөлме өте нашар жағдайда. Іші ылғал, тарақандар қаптап кеткен. Түнде ұйықтау мүмкін емес. Бір тарақан қызымның құлағына кіріп кетті, екіншісі ұлымның мұрнына. Ауруханаға апарып алдырдық. Бұл адам тұратын жер ме?» – деп әйел көз жасын әрен ұстайды.

Гүлжан күйеуінен ажырасқаннан кейін балаларымен жалғыз қалған. 2018 жылдан бері тұрғын үй кезегінде тұр – қазіргі кезек нөмірі 385.

Ол алимент ретінде 150 мың теңге алады. Алайда пәтер жалдауға бұл қаржы жетпейді. Оның үстіне көпбалалы отбасыларды пәтерге кіргізгісі келетіндер де аз.

Әйел бірнеше ай көшеде түнеп, түрлі мекемелердің табалдырығын тоздырғанын айтады. Ақырында осы жатақханадан жөндеусіз бөлме берілген.

«17 жастағы ұлым бұл жерде тұрудан бас тартып, досының үйіне кетті. Қазір сонда тұрып жатыр. Бұл жерге келгісі келмейді. Өзім қабырғаларды аздап ақтап, жөндеп алдым. Бірақ бөлмеден шықсаң – нағыз қараңғылық», – дейді Гүлжан.

Жалпы душ бөлмесін ғана көрсетті, ал дәретхананы көрсетуге ұялды…

Нұрзия Қарауылбекова да осындай жағдайға тап болды. Ол да жалғызбасты ана, бес баланы тәрбиелеп отыр.

Ең үлкені – 12-де, ең кішісі – небәрі 1 жаста. Бар болғаны 18 шаршы метр – балалар ұйықтайтын, тамақтанатын, ойнайтын және жуынатын жалғыз орын.

Ас үй мен жуынатын бөлме жалпы, қорқынышты жағдайда.

«Ас үйде бәріне ортақ шұңғылша, жуынатын жерде су жоқ, дәретханада тыныс алу мүмкін емес. Ал көршілер балалардың шуына шағымданады. Бірақ олар кішкентай ғой. Бірде шығып кетеді, бірде қайта кіреді. Учаскелік полицияны бірнеше рет шақырды, ол да шаршады», – дейді әйел.

Уақытша баспана алғандар ғана емес, мұнда меншікті бөлмесі бар тұрғындар да наразы.

Мысалы, бірнеше бөлмеге иелік ететін әйел бұл жерге неге әлі де көпбалалы отбасылар қоныстандырылып жатқанын түсінбейді.

«Бұл ғимаратты бұзу керек. Бірақ олар  мұнда балалары бар адамдарды қоныстандыруды жалғастыруда. Неге? Таңертең және кешке мұнда тозақ. Дәретханаға, пешке, жуынатын бөлмеге кезек. Бір отбасында үш-төрт бала. Бұл – баспана емес, бұл – тіршілік үшін күрес», – деп жергілікті тұрғын ашуланады.

Жатақхананың бірінші қабатында қиын жағдайға тап болған зейнеткерлер де тұрады.

66 жастағы Жайнакүл Батырова әкімдіктен бұрынғы қойма орнын – алты шаршы метрлік бөлмені алған. Әйелдің әрең қозғалады, жалғыз тұрады. Қызы бар, бірақ араласпайды.

Көп уақытын ауа тар, шашылған бөлмеде өткізеді, жуыну үшін де көмек қажет.

Кейде оған көршісі – 62 жастағы Ләтипа Жанамановa келіп көмектеседі. Ол да дәл осындай кішкентай бөлмеде тұрады.

«Мен кейде Жайнакүлді жуындырамын. Өзім де зейнеткермін. Бұрын күйеуіммен бірге 9 жыл вагонда тұрдық, кейін әкімдік осында орналастырды. Айтуларынша, біз ешқандай санатқа кірмейміз, сондықтан тұрғын үй кезегіне қоймайды… Сірә, осы жерде өміріміздің соңына дейін тұратын шығармыз…» – дейді зейнеткер күрсініп.

Әкімдік мәліметінше, бұл ғимарат шынымен де апатты жағдайда. Өткен жылы оны мамандар тексерді — темірбетон конструкциялары шектеулі жұмыс істейді, баспалдақтар мен шатырлар апатты деп танылды.

225 бөлмелі жатақхананың 13 бөлмесі әкімдік балансына тиесілі. Соларға қиын жағдайға тап болған тұрғындар орналастырылған.

«Біз ешкімді мәжбүрлемейміз. Барлығы өз еркімен қоныстанады.

Бұл – мемлекеттік бағдарлама бойынша пәтер кезегі келгенше уақытша берілетін баспана», – деп түсіндірді Ақтөбе қалалық тұрғын үй қатынастары бөлімінің басшысы Мадияр Қабыл.

Алайда шын мәнінде, бұл «уақытша» баспана көптеген адамдар үшін жылдарға созылған үмітке айналады.

Адамдар ылғал мен қираған жағдайда өмір сүріп, пәтер кезегінің жетуін күтіп отыр.

Кейбірі – өз күшімен жөндеу жасап жатыр, ал енді біреулері – барлығын өз еркіне жіберген. Бұған себеп – кедейшілік, шаршау, үмітсіздік пен шарасыздық.

Ал бұл арада ғимарат одан әрі құлап жатыр. Енді бірінші болып не құлайтынын ешкім білмейді – қабырғалар ма, әлде біреудің соңғы үміті ме…

0
Tags :
No More Posts
Контакты диспетчерских служб инватакси

г.Астана +7 (7172) 48-19-16, пр.Аблайхана 43/1

г.Алматы +7 (7273) 46-62-22, ул.Валиханова 115

г.Атырау +7 (7122) 36-68-42

г.Актобе +7 (7132) 77-65-65 ул.Маресьева 4, «3»

г.Актау +7 (7213) 42-94-51

г.Жезказган +7 (7102) 77-30-80

г,Караганда  +7(7212) 33 07 54, +7(7212) 56 54 86 , +7(7212) 51 78 18

г.Кокшетау +7 (7162) 76-16-00, ул.Пушкина 11 «А»

г.Костанай +7 (7142) 50-33-49, ул.Павлова 65

г.Кызылорда +7 (7242) 27-81-49

г.Петропавловск + 7 (7152) 39-76-87, +7( 7132) 46-11-50

г.Семей +7 (7222) 77-42-89

г.Талдыкорган + 7 (7282) 24-34-63

г.Тараз +7 (7262) 43-57-69

г.Туркестан + 7 (725 33) 7-25-41

г.Темиртау + 7(7213) 91-45-42, +7(7213 )91-45-43

г.Усть-Каменогорск +7 (7232) 61-26-40, Сатпаева проспект 36
КШТ микрорайон

г.Уральск +7 (7112) 50-05-06

г.Шымкент +7 (7252) 43-36-77, +7(7252) 43-32-30, +7(7252) 28-38-98 (социальное такси)

г.Экибастуз +7 (7187) 22 12 89, +7(7178)75-47-85

×