Қазақстандықтарды кез келген жағдайда балалардың құқықтарын қатаң сақтауға және олардың қауіпсіздігін қамтамасыз етуге шақырды

Бұл туралы ҚР Білім министрлігінің Балалардың құқықтарын қорғау комитеті ресми үндеу жариялады.

— Комитет әлеуметтік желіде тараған, ересек әйелдің қоғамдық көлікте ерекше білім алуды қажет ететін балаға қатысты кемсітетін сөздер айтқан видеоға алаңдаушылық білдірді. Мұндай мінез-құлыққа жол берілмейді.

Қазіргі уақытта әйелдің жеке басы анықталып жатыр, делінген хабарламада.

Басқармада атап өткендей Қазақстан Республикасы Білім министрлігінің жұмысында балалардың құқықтарын қорғау және инклюзивті білім беруді дамыту мәселелері басты орын алады.

Әрбір бала, даму ерекшеліктеріне қарамастан, құрметтеуге, қорғауға және қоғам өміріне қатысуға құқылы.