«Е-нотариус» пен «Egov mobile» ақпараттық жүйелерін біріктіру осы апта ішінде аяқталады, деп хабарлады Әділет вице-министрі.
«Келесі апта 26 сәуірден бастап нотариаттық қызметтерді алу үшін қазақстандықтар электрондық жеке куәліктерін ұсына алады», — деп хабарлады Қазақстан Республикасы Әділет вице-министрі Азамат Әмірғалиев.
Әділет министрлігі мен Республикалық нотариаттық палата бірігіп нотариаттық қызметті цифрландыру бойынша жүргізіліп жатқан жұмыс яасында «Е-нотариат» пен «Egov mobile» ақпараттық жүйелерін интеграциялау қарастырылды. Бұл біріктіру жұмыстары осы апта ішінде аяқталады және келесі аптадан бастап қазақстандықтар нотариаттық қызметтерді алу үшін электрондық жеке куәліктерін ұсына алады», — дейді Азамат Әмірғалиев.
2021 жылғы 1 шілдеден бастап Қазақстан жылжымайтын мүлікке қатысты операцияларды жүзеге асыруда эксаумақтық қағидатын енгізеді: тараптар объектінің орналасқан орнына қарамастан кез-келген нотариусқа жүгіне алады. Келесі жылдан бастап құжаттарды бірыңғай нотариаттық ақпараттық жүйесінде сақтау үшін бірыңғай ақпараттық репозитарий құру жоспарлануда. Болашақта нотариустар нотариаттық мұрағаттан бас тартады.
Әрбір нотариаттық іс-әрекетке QR-код беріледі, ол құжаттардың жалған нұсқасын дайындаудан қорғауды қамтамасыз етеді. Электрондық құжаттар қағаз құжаттарға балама болады, бұл азаматтарға жол жүру, құжаттарды пошта немесе курьер арқылы жіберу кезінде уақыт пен ақшаны үнемдеуге мүмкіндік береді.
Источник: informburo.kz
