ХҚКО-ларда төлқұжат пен жеке куәлікті ресімдеген адамдар мемлекеттік бажды QR-кодтың көмегімен төлей алады. Азаматтарға арналған үкімет ҚР ІІМ — мен бірлесіп, көші-қон қызметі операторынан тікелей төлем қабылдау мүмкіндігін іске асырды.
Бүгінгі таңда пилоттық режимде бұл мүмкіндікті Нұр-Сұлтан және Алматы қалаларының тұрғындары пайдалана алады. Клиент төлқұжат пен жеке куәлікті ресімдеуге өтініштер қабылдайтын көші-қон қызметі операторына жүгінген кезде, бірден кассаға жүгінбей-ақ Homebank немесе Kaspi банк қосымшаларының QR-төлеу жүйесі арқылы бажды төлей алады. «Санаулы секунд ішінде төлеу-әрбір екінші қазақстандыққа қолжетімді цифрлық шынайылық. Мегаполистердегі QR-төлемдер барлық сауда, мәдениет, ойын-сауық сегментіндегі барлық нысандарда қолданылуда. Мемлекеттік қызмет көрсету саласында да біз жаңа цифрлық мүмкіндіктерді енгізуге тырысамыз. Бұрын QR-кодпен жер учаскелеріне актілерді дайындау және беру, жылжымайтын мүлікке құқықтарды тіркеу, Кондоминиум объектілері бойынша қызметтерді және жер қатынастары саласындағы басқа да мемлекеттік қызметтерді төлеуге болатын. Енді кассаға кезексіз және құжаттандыру қызметі үшін ақы төлеуге мүмкіндік бар», – деді «Азаматтарға арналған үкімет» мемлекеттік корпорациясының Басқарма Төрағасы Әділ Қожихов. Жеті айдың ішінде қазақстандықтарға паспорттар мен жеке куәліктер беру бойынша 1 577 мың Мемлекеттік қызмет көрсетілді. Жеке куәлік үшін мемлекеттік баж мөлшері 584 тг, паспорт үшін – 23 336 тг құрайды. Азаматтарға арналған үкімет 2020 жылдың қараша айында QR арқылы төлем жасау мүмкіндігін енгізді. Бүгінде клиенттер 146 Мемлекеттік қызмет түрін төлей алады. Мемлекеттік корпорация мемлекеттік тізілімнен барлығы 662 Мемлекеттік қызмет түрін көрсетеді.
