Енді БЖЗҚ-да барлық жеке зейнетақы шоттары өтінішсіз ашылады.
26 қазаннан бастап БЖЗҚ-ға міндетті кәсіптік зейнетақы жарналарын есепке алу үшін жеке зейнетақы шоттары алғашқы жарна келіп түскен кезде автоматты түрде ашылатын болады.
БЖЗҚ ақпараттық жүйелері бұл шоттарды ашудың жаңа тәртібіне дайын.
ЖЗШ ашудың мәлімдемесіз тәртібі қолданылады:
2019 жылғы 8 қаңтардан бастап міндетті зейнетақы жарналарына қатысты;
2021 жылғы 1 мамырдан бастап – ерікті зейнетақы жарналарына қатысты.
Пайдасына МКЗЖ аударылатын жеке тұлғаны сәйкестендіру МКЗЖ аудару кезінде төлем тапсырмасының электрондық форматында көрсетілген оның дербес деректері (ТАӘ, ЖСН, туған күні) бойынша жүргізілетін болады. Қолданыстағы жеке басты куәландыратын құжаттың деректемелері, тұрақты тұратын жері туралы барлық қажетті мәліметтерді БЖЗҚ мемлекеттік органдардың тиісті ақпараттық жүйелерінен алатын болады.
Жұмыс беруші МКЗЖ агенті (төлеуші) болып табылады, ол Үкімет айқындайтын тәртіппен зейнетақы жарналарын есептеу үшін қабылданатын оның ай сайынғы табысының 5% мөлшерінде жұмыскердің пайдасына өз қаражаты есебінен жарналар аударуға міндетті.
«МКЗЖ есепке алу үшін шоттарды автоматты түрде ашу бойынша заңнамалық өзгерістер агенттерге жарналарды аудару бойынша міндеттемелерді орындауды айтарлықтай жеңілдетеді: БЖЗҚ – ға 10-нан астам атауы бар белгілі бір құжаттар тізбесін ұсына отырып, қызметкермен бірлесіп өтініш ресімдеудің қажеті жоқ», — деп атап өтті қорда.
МКЗЖ есебінен зейнетақы жинақтарын алуға зиянды және қауіпті қызмет салаларында еңбек ететін азаматтар құқылы.
