Еңбек және халықты әлеуметтік қорғау министрінің бұйрығымен Төлеген Қапақұлы Оспанқұлов ҚР Еңбек және халықты әлеуметтік қорғау министрлігі Еңбек және әлеуметтік қорғау Комитетінің төрағасы – Қазақстан Республикасының Бас мемлекеттік еңбек инспекторы болып тағайындалды.
Төлеген Оспанқұлов 1961 жылы Алматы облысында дүниеге келген. Алматы малдәрігерлік институтын және Қызылорда академиялық экономика, экология және құқық университетін бітірген. Еңбек жолын «КИЗ» тәжірибелік-өндірістік шаруашылығында мал дәрігері, МТФ №1 бригадирі болып бастады. 1988 жылдан 1994 жылға дейін бас мал дәрігері болып жұмыс істеді. 23 партия съезі, сүт комбинатының бастығы, бригадирі. 1994-1997 жж. — «КИЗ» тәжірибелік-өндірістік шаруашылығында бас мал дәрігері. 1998 жылдың қарашасынан 2001 жылдың ақпанына дейін Алматы қаласы бойынша мемлекеттік еңбек инспекциясы басқармасының жетекші маманы, бас маманы, мемлекеттік инспекторы, еңбекті қорғау секторының меңгерушісі, бөлім бастығы қызметтерін атқарды. 2001-2008 ж.ж. — Алматы облысы бойынша ЕХӘҚМ департаменті директорының орынбасары — бас мемлекеттік еңбек инспекторы. 2009-2014 жылдары — Қазақстан Республикасы Еңбек және халықты әлеуметтік қорғау министрлігі Бақылау және әлеуметтік қорғау комитеті төрағасының орынбасары — бас мемлекеттік инспектор. 2014-2017 жылдары — Қазақстан Республикасы Денсаулық сақтау және әлеуметтік даму министрлігі Еңбек, әлеуметтік қорғау және көші-қон комитеті төрағасының орынбасары — бас мемлекеттік еңбек инспекторы. 2017 жылдан қазіргі уақытқа дейін – Қазақстан Республикасы Еңбек және халықты әлеуметтік қорғау министрлігі Еңбек, әлеуметтік қорғау және көші-қон комитеті төрағасының орынбасары – бас мемлекеттік еңбек инспекторы.
