Еңбек министрлігінің 2023 жылғы 20 маусымдағы бұйрығымен «Мүгедектігі бар адамдардың қоғамдық бірлестіктерінен және (немесе) Қазақстан Республикасы мүгедектігі бар адамдарының қоғамдық бірлестіктері құратын ұйымдардан сатып алынатын тауарлардың, жұмыстардың, көрсетілетін қызметтердің жекелеген түрлерінің тізбесін» бекітті.
«Мемлекеттік сатып алу туралы» Заңының 51 бабы, 2-тармағына сәйкес мемлекеттік сатып алуды ұйымдастырушылар Қазақстан Республикасының мүгедектігі бар азаматтары және (немесе) мүгедектігі бар адамдардың қоғамдық бірлестіктері құрған ұйымдардан ағымдағы жылы осы тауарларды сатып алуға бөлінген қаражаттың жалпы сомасынан тауарлардың, жұмыстардың, көрсетілетін қызметтердің жекелеген түрлерін мемлекеттік сатып алуды жүзеге асыру кезінде тауарлардың, жұмыстардың, көрсетілетін қызметтердің кемінде 50 %-ын және жұмыстардың, көрсетілетін қызметтердің 100 %-ын қоғамдық бірлестіктерден сатып алуды жүзеге асырады.
Еңбек министрлігі осындай тауарлардың, жұмыстардың және қызметтердің тізбесін бекітті, оған мыналар кіреді:
Өндірілген тауарлар:
• төсек-орынның барлық түрлері, көрпелер, матрастар, төсек жапқыштар, жастықтар, сүлгілер, майлықтар, төсек жамылғылары, жаялықтар;
• мақталы курткалар, жылытылған мақтадан тігілген шалбар, жылудан қорғайтын костюм, жылытылған жартылай комбинезон, жылытылған жилет, камуфляжды дала костюмі, шалбар;
• мақтадан жасалған жұмыс костюмі, мақтадан тігілген егістік костюмі, камуфляждық далалық куртка, дәнекерлеуші костюмі, аккумуляторлық жұмысшы костюмі, жұмыс комбинезондары;
• аспаз костюмі, наубайшы костюмі, қалпақтар;
• 5) халаттар, алжапқыштар, формалар, сигналдық кеудешелер, хирургиялық костюмдер, мақта-матадан жасалған бахилдер, өндірістік және шаруашылық жұмысшыларының формалары, көрпе;
• пижама, ерлер іш киімі, аяқ киім, көйлек, жейделер;
• орамал, бет орамал, жаға, қолғап;
• перделер, қаптар;
• папкалар, конверттер, қағаздарға арналған папкалар, сызғыштар;
• қаптама жәшіктері, мұрағаттық жәшіктер;
• ағаш бұйымдар;
• жиһаз.
Өндірілген және (немесе) жеткізілетін тауарлар:
• тифлотехникалық құралдар;
• арнайы көліктер;
• Міндетті гигиеналық құралдар.
Орындалатын жұмыстар:
• көгалдандыру.
Көрсетілетін қызметтер:
• мүгедектігі бар адамдарды оңалту құралдарын (балдақтар, таяқтар, жаяу жүргіншілер, көтергіш құрылғылар мен механизмдер, телерадиоаппаратура) жеткізу, құрастыру, жөндеу және техникалық қызмет көрсету;
• мүгедектігі бар адамдарға арналған көлік құралдарын жөндеу және техникалық қызмет көрсету;
• мүгедектігі бар адамдарды сауықтыру және санаториялық-курорттық емделуін ұйымдастыру;
• үй-жайлар мен аумақтарды жинау, тазалау қызметтері;
• көркейту, көгалдандыру;
• басып шығару қызметтері;
• кір жуу қызметтері.
Бұйрық 2023 жылдың 8 шілдесінде күшіне енеді.
