Туа біткен аурулардың салдарынан балалардың 32,5 пайызы мүгедектігі бар балалар болып қалады. Мұндай деректер Ашық НҚА порталында жарияланған «Әрбір әйел – әрбір бала» Ана мен бала қызметін дамытудың 2024-2030 жылдарға арналған тұжырымдамасында көрсетілген.
«Соңғы 5 жылда психикалық дамуында ауытқуы бар, оның ішінде аутизммен ауыратын балаларды алғашқы анықтау саны 1,7 есеге артты. Айта кетерлігі, ерте диагностика алғашқы медициналық-санитарлық көмек ұйымдарында жүргізілуі тиіс. Бұл ретте психикалық денсаулық мәселелерімен айналысатын мамандардың сауаттылығын арттыру маңызды», — делінген тұжырымдама жобасында.
Денсаулық сақтау министрлігі 2017-2021 жылдары балалар арасында мүгедектікке әкелген ауруларға талдау жүргізді.
«Талдау көрсеткендей, туа біткен ақаулар (30,3%-дан 32,5%-ға дейін), жүйке жүйесі аурулары 2-орында (21,7%-дан 23,7%-ға дейін), психикалық аурулар 3-орында (11,1%-дан 17%-ға дейін) және эндокриндік аурулар (8%-дан 4%-ға дейін) 6.4%-ға дейін. Бұл жағдайға ықпал ететін факторлардың бірі – уақытынан ерте туған нәрестелерді тірі алуға мүмкіндік беретін медицинаның қазіргі даму деңгейі», — делінген тұжырымдамада.
