Орталық коммуникалар қызметінде өткен баспасөз мәслихатында қазақстандық спортшылардың Азия параойындарына арналған киімін Азия ойындарында отандық спортшыларға сапасы төмен киім тіккен өндіруші компания тіккені белгілі болды.
— Өздеріңіз білетіндей біз мемлекеттік сатып алуда Қазақстан Республикасының заңнамасын сақтаймыз. Ұлттық құрама қазақстандық мазмұндағы тауарлармен қамтамасыз етілген. Біз барлық жабдықтар мен спорттық формаларды қазақстандық өндірушілерден сатып алуымыз керек. Бұл Қазақстанның жеңіл өнеркәсібін қолдау мақсатында жасалды», — деді Туризм және спорт вице-министрі Сәрсен Құранбек Орталық коммуникациялар қызметінде өткен брифингте.
Туризм және спорт вице-министрінің айтуынша, Қазақстан Республикасының заңнамасына сәйкес ұлттық құрамаларға арналған құрал-жабдықтар балама әдіспен бір көзден сатып алынады.
— Паралимпиада құрамалары үшін спорттық киімдер сол өндірушілерден сол әдістермен сатып алынды. Нақтырақ айтсақ бұл «Zibroo» КазСпо-N Компания» ЖШС», — деп қосты Сәрсен Құранбек.
Осыған дейін Азия ойындарында Азиада-2022 жарысында төртінші орын алған қазақстандық жүйрік Алина Сарқұлова отандық спортшылардың құрал-жабдықтарының сапасыздығына шағымданған болатын.
Айта кетейік, IV Азия Параойындары 22-28 қазан аралығында Қытайдың Ханчжоу қаласында өтеді. Қытайға 131 қазақстандық спортшы аттанады.
