Қазақстандық Тұрсынай Қабыл 2022 жылы Қытайда өтетін Азия ойындарында парапауэрлифтингтен күміс медаль жеңіп алды, деп хабарлайды Туризм және спорт министрлігінің баспасөз қызметі.
«Пауэрлифтингтен 41 келі салмақ дәрежесінде өнер көрсеткен Тұрсынай Қабыл Ханчжоудағы Азия Параойындарының күміс жүлдегері атанды», — делінген хабарламада.
Бірінші орын Қытайдан келген спортшыға бұйырды.
IV Азия Паралимпиада ойындары Қытайдың Ханчжоу қаласында 22-28 қазан аралығында өтеді. Төрт жылда бір рет өтетін жарыстарда спорттың 22 түрінен 564 медаль жиынтығы сарапқа салынады.
Еліміздің намысын 131 спортшы қорғап, 14 спорт түрінен 485 медаль жиынтығын сарапқа салады. Қазақстандық спортшылар жеңіл атлетика, пауэрлифтинг, оқ ату, таэквондо, үстел теннисі, жүзу, дзюдо, каноэде есу, садақ ату, қ велоспорт, отырып волейбол, бочча және шахмат сияқты спорт түрлерінен жарысқа қатысады.
