Алматыда әрекетке қабілетсіз тұлғалардың құқықтарын жүйелі түрде бұзу фактілері анықталды, деп хабарлайды қалалық прокуратураның баспасөз қызметі.
«Медеу аудандық прокуратурасы жүргізген талдау Алматы қаласында әрекетке қабілетсіз тұлғалардың құқықтарының жүйелі түрде бұзылуын анықтады. «Неке ерлі-зайыптылық және отбасы туралы» Қазақстан Республикасы Кодексінің 121-бабына сәйкес сот әрекетке қабілетсіз деп таныған адамдар мүдделерін білдіру, денсаулығы мен мүлкіне қамқорлық жасау үшін 20 жұмыс күні ішінде қорғаншы болып тағайындалуы тиіс. Сонымен қатар, ұзақ уақыт бойы, тіпті жылдар бойына қамқоршы тағайындалмаған 423 адам психикалық және басқа да аурулармен ауыратындар анықталды», — делінген сейсенбі күні таратқан хабарламада.
Мысалы, азамат М. сот оны 2001 жылы әрекетке қабілетсіз деп таныған. Оның заңды өкілі 2022 жылы, яғни 20 жылдан астам уақыттан кейін ғана анықталады. Сол сияқты азамат О-ға қорғаншы 18 жастан кейін, азамат И-ға 10 жылдан кейін, азамат А-ға тоғыз жылдан кейін және т.б.
«Тек талдау кезінде заңды өкілдері жоқ 110 адам анықталды. Бұл олардың туыстарының заңды әрекеттерді жасай алмауына, өз әрекеттері үшін есеп бере алмайтын және өз құқықтарын өз бетінше қорғай алмайтын адамдардың денсаулығы мен мүлкіне толық қамқорлық жасай алмауына әкелді. Бұл жағдай соттардың қаулыларды орындауға уақтылы жібермеуінен және қорғаншылық және қамқоршылық органының өз тарапынан бақылаудың болмауынан туындады», — делінген хабарламада.
Сондай-ақ прокурорлар уәкілетті органның әрекетке қабілетсіз 47 тұлғаның мүлкіне тыйым салынбағанын анықтады.
«Сонымен бірге ауқытылы жұмысты орындамау психикалық науқас Р-ның жалғыз пәтерін бейтаныс адамдар өздеріне өсиет ретінде жазып алуына әкелді. Алмалы аудандық прокуратурасының талап арызы бойынша заңсыз өсиет жарамсыз деп танылып, әрекетке қабілетсіз Р. қаланың әлеуметтік нысандарының біріне орналастырылды. Медеу ауданы прокуратурасының ұсынысы бойынша жол берілген бұзушылықтар үшін қорғаншылық және қамқоршылық органының жеті лауазымды адамы тәртіптік жауапкершілікке тартылды, бұзушылықтарды жою бойынша шаралар қабылданды», — деп толықтырды қадағалау органы.
