Жүйе пациенттің тыныс алуын бақылап, сәулелердің бағытын автоматты түрде реттей алады
Орталық Азиядаоның ішінде Алматы қаласында алғаш рет онкологиялық науқастарды мақсатты сәулеленумен емдеуге арналған цифрлық инновациялық жүйе орнатылады. Денсаулық сақтау министрлігі жаңа қондырғы «онкологиялық науқастарды емдеудің жаңа перспективаларын ашады» деп мәлімдеді.
«Қатерлі ісіктерге бағытталған мақсатты сәулеленуді енгізу пациенттерге жоғары дәлдікпен және жеке бейімделген емдеуді қамтамасыз етудегі маңызды қадам болды», — делінген хабарламада.
Жүйе науқастың тыныс алуын бақылай алады және оның тыныс алу қозғалыстарына сәйкес сәулелердің бағытын автоматты түрде реттей алады.
Ведомствода Алматы онкологиялық диспансерінің сәулелік терапия бөлімінде күн сайын 100-ге жуық онкологиялық науқас емделетінін атап өтті. Бұл емдеу әдісі аурудың бастапқы кезеңдеріндегі пациенттер үшін де, аурудың кейінгі кезеңдерінде өмір сүру сапасын ұзарту және жақсарту үшін де өте маңызды.
Қазақстан Орталық Азияда бірінші болып Астанадағы жаңа Ұлттық ғылыми онкологиялық орталықта онкологиялық науқастарға протон терапиясын бере бастайды. Жаңа орталық бюджеттік инвестициялық жоба болып табылады, оны жүзеге асыру үшін Швейцария мен АҚШ-тың жетекші халықаралық компаниялары тартылған.
Жылына 6 мың науқасқа арналған мекемеде радионуклидті диагностика, радиофармацевтикалық препараттар шығару және радионуклидтік терапия жүргізу жоспарлануда.
Сондай-ақ Қызылорда онкологиялық орталығына жылжымалы медициналық кешен сатып алынды. Кешенді облыс үшін «Қазақстан халқына» қоғамдық қоры сатып алған.
Екі көліктен тұратын жылжымалы медициналық кешен томосинтез функциясы бар сандық маммографиялық аппаратурамен, сарапшылық деңгейдегі ультрадыбыстық жүйемен және жоғары дәлдіктегі компьютерлік томографпен жабдықталған. Жабдық Жапонияда жасалған. Осы кластағы және конфигурациядағы медициналық жабдықтар Қазақстанда алғаш рет пайдалануға беріліп отыр.
