1,1 миллион қазақстандық айына 51 710 теңгеден аз ақшаға өмір сүреді.
2023 жылдың шілде-қыркүйек айларында табысы ең төменгі күнкөріс деңгейінен төмен қазақстандықтардың саны сәуір-маусыммен салыстырғанда 9%-ға өсті: олардың саны 1,1 миллионнан асты, деп хабарлады ресми статистикаға сілтеме жасаған Бірінші несие бюросының талдау орталығы.
«Бұл кем дегенде 2011 жылдың бірінші тоқсанынан бергі ең жоғары көрсеткіш. Есептеу әдістемесінің өзгеруіне байланысты бұрынғы кезеңмен салыстыру қиын», — деп атап өтті сарапшылар.
Ағымдағы жылдың үшінші тоқсанында өмір сүру минимумы 51 710 теңгені құрады. Қазақстандықтардың 5,6 пайызы бір ай бойы осыдан аз ақшамен өмір сүруге мәжбүр болса, үш айда бұл көрсеткіш 0,5 пайыздық тармаққа өсті.
Кедей халықтың үлесі бойынша Түркістан (9,6%) және Жетісу (9,3%) облыстары «көшбасшы» болды. Оның үстіне Түркістан облысында бұл көрсеткіш аздап, 0,1 пайыздық тармаққа төмендесе, Жетісу облысында 1,6 пайыздық тармаққа өсті – бұл республикалық антирекорд болып отыр.
Кедей халықтың ең төменгі үлесі Астанада (2,7%) болды. Қарағанды облысында үш айда кедейлердің үлесі ең жылдам – 0,4 пайыздық тармаққа төмендеп, астаналық көрсеткішке теңесті.
