Астанада «Elorda zhastary» бағдарламасы бойынша іріктеу нәтижелері белгілі болды
Елордалық Тұрғын үй орталығы «Elorda zhastary» бағдарламасына іріктеу нәтижелерін жариялады, деп хабарлайды Астана әкімдігінің ресми сайты Тұрғын үй және тұрғын үй инспекциясы басқармасына сілтеме жасап.
Нәтижелермен zhilfond.kz порталы мен Астана қаласының Тұрғын үй-коммуналдық шаруашылық инспекциясының ресми сайты – www.gov.kz арқылы танысуға болады. Барлығы үш тізім жарияланды — «Бекітілді», «Резервте» және «Қабылданбады».
8 қазанда «Бекітілді» тізіміндегі азаматтар өтініш берген кезде көрсетілген электрондық поштаға (Спам қалтасында болуы мүмкін), «Отбасы Банкі» АҚ-на жолдаманың электронды нұсқасы жіберіледі, оны басып шығару қажет. 10 жұмыс күні ішінде оның төлем қабілеттілігін бағалау үшін «Отбасы Банкі» АҚ Астана қаласындағы кез келген бөлімшесіне хабарласуыңыз қажет. Жолдаманы алған сәттен бастап белгіленген мерзімде банкке келмеген жағдайда, Тұрғын үй орталығы оны жоюға құқылы.
«Резервте» тізімдегі азаматтар бағдарламаның негізгі шарттарына сай келеді, алайда, аз ұпай жинауға және лимиттің аяқталуына байланысты олар резервтік тізімге енгізілген. Бекітілгендердің негізгі тізімінде банкте төлем қабілеттілігін растамағандар болса, төлем қабілеттілігін тестілеуден өтуге жолдамалар тізімдегі тәртіп бойынша резервтік тізімдегі азаматтарға беріледі.
«Қабылданбағандар» тізіміндегі азаматтар birge.astana.kz. порталындағы жеке кабинетінде толығырақ білуге болатын себептермен бағдарлама талаптарына сәйкес келмейді.
