Қазақстан Республикасының Денсаулық сақтау министрлігі созылмалы аурулары бар адамдарға медициналық көмек көрсетуді ұйымдастыру, динамикалық байқаудың кезеңділігі мен мерзімдері, диагностикалық зерттеулердің міндетті минимумы мен жүргізілу жиілігі қағидаларына түзетулер әзірледі.
Жоба созылмалы аурулары бар науқастарға медициналық көмектің сапасы мен уақтылы көрсетілуін арттыруға, денсаулық сақтау жүйесінің профилактикалық бағытын күшейтуге және халық денсаулығының жай-күйін бақылауды жақсартуға бағытталған.
Созылмалы аурулардың әртүрлі санаттары үшін нақты мерзімдер мен зерттеулердің ең төменгі тізбесі айқындалады. Бұл асқынулардың алдын алу тиімділігін арттыруға мүмкіндік береді.
Атап айтқанда, созылмалы аурулары бар адамдарға медициналық көмек көрсету, динамикалық байқаудың кезеңділігі мен мерзімдері, диагностикалық зерттеулердің міндетті минимумы мен жүргізілу жиілігі қағидаларына өзгерістер енгізу ұсынылады.
Сонымен қатар міндетті әлеуметтік медициналық сақтандыру жүйесінде динамикалық байқауға жататын аурулар кезінде көрсетілетін медициналық қызметтер тізбесі медициналық көмектің жекелеген түрлерімен толықтырылады.
Денсаулық сақтау министрлігінің мәліметінше, бұйрықтың қабылдануы созылмалы аурулары бар науқастарға медициналық көмектің сапасы мен уақтылы көрсетілуін арттыруға, денсаулық сақтау жүйесінің профилактикалық бағытын күшейтуге және халық денсаулығының жай-күйін бақылауды жақсартуға мүмкіндік береді.
Құжат қоғамдық талқылау үшін «Ашық НҚА» порталында 2 қазанға дейін орналастырылды.
